A blupete Poetry pick

"BONNIE DOON"

Ye banks and braes o' bonnie Doon
How can ye blume sae fair!
How can ye chant, ye little birds,
And I sae fu' o' care!

Thou'll break my heart, thou bonnie bird
That sings upon the bough;
Thou minds me o' the happy days
When my fause luve was true.

Thou'll break my heart, thou bonnie bird
That sings beside thy mate;
For sae I sat, and sae I sang,
And wist na o' my fate.

Aft hae I roved my bonnie Doon
To see the woodbine twine,
And ilka bird sang o' its love;
And sae did I o' mine.

Wi' lightsome heart I pu'd a rose,
Frae aff its thorny tree;
And my fause luver staw the rose,
But the left the thorn wi'me.

By Robert Burns (1759-96). 

_______________________________

Found this material Helpful?

_______________________________

Custom Search
[UP]
[blupete's POETRY PASSAGES]
[THE POETS]
[BIOGRAPHIES JUMP PAGE]
[HOME]

2011

Peter Landry